تخيلوا لو سندريلا ب2009 كيف بتكون شوفوا

من طرف **غزل** الخميس سبتمبر 10, 2009 5:40 am

زوجة الاب: اصحي يا بت يا سندريلا جاك خابط في نفوخك
سندريلا:ايه يا مرات ابويا خمسه وحقوم
زوجة الاب: قومي يابت قامت قيامتك
وصحيت سندريلا وهي بتافف..كان لازم اسهر يعني علشان اسمع اللي اسمه منير ده
زوجة الاب:يلا اكنسي وامسحي على ما نيجي
سندريلا:انتو رايحين فين ومتزوقين كده وكل وحده عامله نيو لوك
زوجة الاب:رايحين حفلة الاميييييير اللي حيختار وحده علشان يتجوزها
سندريلا:خدوني معاكو انا عايزه اروح ..بليييييييز
زوجةالاب:تروحي فين بامعفنه بلبسك المهرول ده.انا عايزه ارجع الاقي البيت بيبرق
ومشيت زوجة الاب وبناتها التلاته وعقدت سندريلا تعيط وفجأه طلعتلها الساحره من الميكروييف
الساحره:مالك ياسندريلا
سندريلا:كان نفسي اروح معاهم بس لبسي مقطع وموبايلي كرت ولابسه شبشب
الساحره:ولا يهمك وطلعت موبيلها واتصلت على الاتيليه بتاع المدام لولو يبعتو فستان وجزمه اخرموديل
فرحت سندريلا ولبست وحطت اي شدو والجليتور ورشت البرق بس الساحره قالت لها:قدامك للساعه 12 لازم ترجعي
احنا صعايده ودمنا حامي ومعنتدناش بنات تتاخر
لو تاخرتي حترجعي زي ما كنتي بلبسك القديم قدام الناس
سندريلا:حاضر حاضر اما ساحره رجعيه صحيح
خرجت سندريلا من البيت ولقيت الساحره مجهزه لbmw
ركبت سندريلا وراحت على القصر ولفت جمالها كل الموجودين
واول ما الامير عينو وقعت عليها طلب يرقص معاها وهي وافقت
نظـــــرات همســــــات صمــــــت
تررررررن تررررررن تررررررن
سندريلا :دي الساحره بتديني مسيد.. ياخبر الساعه 12
وقامت طلعت تجري قام وهي بتجري فرده الجزمه انخلعت
خدها الامير المعجب ونادى الوزير
الامير: ياوزير تامر
الوزير: امرك ياباشا
الامير: خد الجزمه دي واسحب صوريتها على السكانر ونزلها كل الجرايد وعلى الويب سايت بتاع القريه واكتب على صاحبه هذه الجزمه التوجه للقصر الملكي
بنات كتير جدا راحو القصر ويا سلام الجزمه مجتش على مقاس وحده فيهم (قال يعني رجلها رجل معزه)
الى ان شاهدت سندريلا الاعلان عن فرده الجزمه على ميلودي هتس وقامت توجة الى القصر وتزوجت هي والامير
وعشو في تبات ونبات وخلفوا صبيان وبنات

بستنى الردود ولا ما فيش قصص تاني